03/04/2018

Cəlilabadlılar yekdilliklə İlham Əliyevə səs verəcəklər

Yeni Azərbaycan Partiyasının təşkilatçılığı ilə aprelin 3-də Cəlilabad şəhərində çoxminli seçicilərin iştirakı ilə “İlhamla İrəli” devizi altında mitinq-konsert təşkil olunmuşdur.

Mitinq-konserti giriş sözü ilə Prezidentliyə namizəd cənab İlham Əliyevin seçki qərərgahı Cəlilabad şöbəsinin rəhbəri, YAP –ın rayon təşkilatının sədri cənab Mirsüleyman Mirxaslı açmışdır. O qeyd etmişdir: “Aprelin 11-i ölkəmizdə ümummilli  bayram günü – ölkə başçımızın seçkisi  günüdür. Bilməyən yoxdur  ki, bu seçkilərdə Yeni Azərbaycan Partiyasının namizədi, xalqın nəmizədi,   Prezident   İlham Əliyevdir.  Bilməyən  yoxdur  ki,  xalqımızın  mütləq  əksəriyyəti  yenidən   öz   etimadını   məhz  ona –  öz  gerçək  Liderinə  göstərmək  əzmindədir.

Ölkəyə  15  il  rəhbərlik  etmiş,  bütün  biliyini, enerjisini, əməyini vətəninin  çiçəklənməsinə,  xalqının  rifahına həsr etmiş  bir  şəxsiyyətin qiyməti  başqa cür ola bilməz.”

Tədbirdə YAP Siyasi Şurasının üzvlərindən MM-in deputatı Mirkazım Kazımov, Bakı Ali Neft məktəbinin rektoru Elmar Qasımov, millət vəkili Malik Həsənov, Muharibə, Əmək və Silahlı quvvələr veteranları təşkilatının sədr müavini Cəlil Xəlilov çoxminli seçicilər qarşısında çıxış edərək cənab İlham Əliyevin Azərbaycana rəhbərlik etdiyi dövrdə bütün sahələrdə qazanılmış uğurlar barədə ətraflı məlumat verməklə, rayonun seçicilərini 11 aprel 2018-ci ildə keçirilən seçkilərdə cənab İlham Əliyevə səs verməyə dəvət etmişlər.

Tədbirin bədii hissəsində respublikaının tanınmış incəsənət ustalarından Yusif Mustafayev, Ağadadaş Ağayev, Əflatun Qubadov, Teymur Mustafayev, Elçin Hüseynov, Yaşar Cəlilov, Səbinə Ərəbli, Aydın Sani, Nazənin Orxan, Könül Məmmədli, Orxan Lökbatanlı, Rəşad Dağlı, Gülay Zeynallı və digər sənətçilər seçicilər qarşısında maraqlı proqramla çıxış etmişlər.

KAMPANİYA GEDİŞİ İLƏ BAĞLI MƏLUMATLAR